January 19, 2024: Houthis rebels Israel laka war kuto Gaza deh ase, etu deh jawab dibo karne commercial vessels laka against hamla kan kuri ase Red Sea deh. Enaka hua time deh Houthi rebels kan para taikan Red Sea deh Chinese aro Russian ships keh safe passage dibo leh ase, Iran-backed militant laka ekta spokesperson para Russian media keh kui shae Thursday din deh.
Pro-Kremlin newspaper Izvestia lokot interview lua time deh, senior Houthi official mohammed al-Bukhaiti para Yemen-based militant kan khali Israel aro taikan laka allies laka ship keh heh hamla kuri bo kui shae.
Thursday din deh b Houthis kan para aro ekta US-owned commercial ship laka against missiles kan fire kuri shae. “Israeli ships nahoi leh b ships kan kuto Israel lokot connect ase, taikan Red Sea laka rasta deh jab oleh chutu opportunity b napa bo.”
Alak kobor deh Mexico aro Chile para Palestinian jaka deh agents kan para crimes kan kuri ase nah nai etu investigate kuri b kui shae International Criminal Court (ICC) keh. Etu statement tho Mexico laka foreign ministry para kui shae Thursday din deh.
“Mexico aro Chile laka action kan tho violence utha laka jinta karne ase, especially civilians kan laka against aro Court laka jurisdiction pitor deh alleged crimes commission karne, specifically October 7, 2023 laka hamla piche deh,” statement para kui shae, Israel laka nam nakui nah.
Israel kan para taikan civilians kan keh nahoi nah Hamas keh target kuri ase kui takeh. Tui mohina agae deh b South Africa, Bangladesh, Bolivia, Comoros aro Djibouti para ekta similar case refer kuri shae ICC. Etu dia ekta hapta piche deh South Africa para alak ekta case deh Israel keh genocide karne accuse kuir shae International Court of Justice deh. Israel aro US para b South Africa laka claims kan tho reject kuri shae.
Add Comment