January 20, 2024: China laka Henan province deh ekta boarding school kuto elementary students kan karne ase, tateh jui juli jah tho kom seh kom 13 manu muri jai shae. China laka state-run media, Xinhua laka isap deh, Yanshanpu bosti laka locals kan para Yingcai School deh jui juli shae kui nah Friday 11pm deh report kuri shae kui shae.
“Rescuers kan phat scene deh ahi jai shae aro jui tho 11:38 pm deh bujai di shae,” report para kui shae. Hoile b manu mura deh kiman jun students kan ase, etu tho thik para kwa nai. Ekjun manu tho jokom nai nah ekta local hospital deh treat kuri ase kui shae.
Authorities kan jui kinaka juli shae etu investigate kuri ase kui shae aro school laka owner keh detain kuri di shae, CCTV para report kuri shae.
Beijing Youth Dail laka isap deh, Yingcai School tho elementary grades deh taka students kan karne ase. School deh attached kindergarten b ase. Manu kan Chinese social media platform deh taikan laka gusa tho express kuri shae aro responsible taka manu keh punishment di b kui taki shae.
Add Comment