Australia, 20 January : Top seed aro duniya laga number one Iga Swiatek toh Australian Open para Saturday dey girina ulai jaishey, Czech laga jawaan Linda Noskova khilaf 3-6, 6-3, 6-4 haarina third round dey, kitia maiden title karney tai laga bid, Melbourne Park dey aro fifth Grand Slam trophy girishey.
Itu asorit third round exit logot, Swiatek laga 18-match jitia run toh rukhi jaishey.
Polish top seed toh last 16 laga raasta dey dikhi paishey first set lua piche dey, huilewi duniya laga number 50 Noskova laga ekta stunning comeback maju dey raasta haari jaishey ekta contest dey kuntu two gondha aro 20 minutes thakishey.
Top 10 mahila laga seeds maju dey khali three Melbourne dey itu draw dey pachina qsey agey haafta khotom hua homoi.
“Mui khota nai,” kuishey Noskova, kun tai laga first Australian Open dey asey.
Swiatek, 22, kun ekta stunning second-round comeback kurishey former finalist Danielle Collins ke haarawoleu, sixth game dey phangishey aro jaina first set toh 43 minutes dey luishey.
Tuita mahila bhi taikhan laga serves dey pressure samna kurishey ekta tight second set dey aro break points fend kurishey eighth khel tak, kitia Noskova para 5-3 lead kurishey serve out nakuria agey dey.
Swiatek tai nijor laga serve dhurishey aro agey tuita points jitishey kitia Noskova toh itu match karney serve kurishey.
Huilewi itu Czech khiladi tai laga matha rakhishey, ekta ace produce kurishey match point set up kurishey aro khotom kuri dishey.
Noskova toh Ukrainian 19th seed Elina Svitolina nahuilewi Switzerland laga Viktorija Golubic ke samna kuribo.
Add Comment