January 21, 2024: Israel kan Hamas terror network aro hostage kan release kuri bole koshish kura time deh, Israel Defense Forces kan ekta tunnel pai shae kute cells kan taki shae. Military para tateh 20 hostages kan duri nah rakhi shae kui shae. Hoile b tunnel pah piche deh hostage kan ekta b banai.
Military Spokesman Rear Admiral Daniel Gahari para tunnel laka pitor deh, Israel forces kan ekta holding jaka, metal laka piche taka pastha narrow rooms, toilets, mattresses aro bacha hostage laka drawings kan b pai shae kui shae. Tai para tunnel laka entrance tho ekta Hamas member laka ghor deh taki shae kui shae. Tai para tunnel deh blast doors aro bomb kan rakhi nah taki shae kui shae.
“Soldiers kan tunnel pitor deh gusi shae kute taikan terrorist lokot lok pai shae. Jakara kile tho terrorist kan muri jai shae,” Hagari para kui shae.
“Testimonies laka isap deh, etu tunnel deh 20 nishi nah hostages kan duri nah rakhi shae alak alak time deh. Taiakn keh daylight b dia nai aro oxygen komti taka jaka deh rakha tho sasa lubo leh dictar banai di shae,” tai kui shae.
Israeli para kwai sap deh itia b ekso laka upor hostages kan Hamas laka pitor deh ase. Etu hostages kan pura October 7 laka hamla deh dura ase. Etu hamla deh Hamas kan para ekso nishi nah Israeli keh murai di shae, maike kan keh rape kuri di shae aro bacha laka matha kan kati di shae.
Add Comment