Texas, 22 January : Ekta asorit ghatna dey, ekta Texas convenience store laga ekta employee ke golee marina murai dishey tai shoplifters ke khitaa piche dey kun chips laga ekta packet chor kurishey, New York Post laga ekta report hisab dey. Itu aarop chor maju dey ekjun para itu store manager ke 11:30 am nishna dey golee marishey, tai para taikhan ke gaari ke khitaa piche dey taikhan chips laga ekta packet chor kuria rukhawoley, Sunoco gas station shop para, police officers laga hisab dey.
Itu employee, umaar 42, tai laga jokhum karney murishey golee para lagia piche dey.
CCTV footage laga hisab dey, tuita mota store pitor dey ghuishey aro itu manager toh taikhan laga piche deh casually pirai thakishey ekta bucket logot maadi mop kuriboley. Itu manu khan store dey piraishey aro chips laga agey aisle dey rukhishey, kutey ekta mota para chips laga packet ekta tai laga pants dey ghusaishey. Itu duo toh alag khana saaman check out kuri thakishey itu store dey kunwa minutes karney kuntu piche dey taikhan puisa nadina jaishey. Agey dey, itu employee para taikhan laga picha kurina store laga bahar ulaishey aro taikhan ke confront kurishey taikhan najaa agey dey.
Cops laga hisab dey, itu clerk, kun itu store dey three para four mahina tak kaam kuri thakishey, tai laga gaari dey ghuishey aro itu chor khan laga picha kurishey.
Itu 42-saal ke ekta golee para marishey aro tai driver laga seat dey thakia homoi muri jaishey. Itu cops kuishey ki itu gaari laga windshield aro back passenger window dey golee laga chenta thakishey.
Police para kuishey ki itu culprits khan theng para pulaishey aro taikhan ke itia tak bisari asey.
Add Comment