US, 22 January : United States dey ekta 22-saal mota ekta double lung transplant luishey tai khali “one per cent chance survival” thakia piche dey kuntu bishi saal bhari vaping kuria karoney huishey, New York Post laga ekta report hisab dey. North Dakota para Jackson Allard toh hospitalise huishey aro life support dey halishey kitia tai laga oxygen levels girishey.
October dey, taike ekta clinic dey admit kurishey pet bikhaa aro komti oxygen levels laga complain kuria piche dey. Tai toh Influenza 4 aro double pneumonia logot diagnose kurishey. Huilewi, tai laga haalat biya wala huishey aro itu piche dey taike University of Minnesota dey transfer kurishey. Mr Allard laga health toy giri thakishey aro doctors khan taike life support dey haliwoley faisla kurishey.
Mr Allard laga puriama Doreen Hurlbur kuishey ki tai laga grandson toh itu diktari khan vaping para ulaishey aro ekta point dey itu eman biya huishey ki tai laga mun ekta karney rukhi jaishey.
Tai para bhi taike vaping kuria rukhai diboley hudishey kiley kuiley itu toh traditional smoking methods logot jaanlewa asey.
Itu 22-saal ekta double lung transplant paishey January 1 dey. Tai regular checkups lui thakibo lagibo ahia six maahina karney. Mr Allard toh kitia bhi smoke nahuiley drink kuribo naparibo. Tai piche dey aro alag transplant lagibo.
Add Comment