Guwahati, January 22 : Assam laga United Opposition Forum para Assam te Congress leader khan ke aro Rahul Gandhi ke bi attack kora tu condemn kurisey aro Chief Minister Himanta Biswa Sarma ke resign kuribole demand kurisey.
Sivasagar laga MLA Akhil Gogoi para ekta press conference te Assam laga Sonitpur district te Bharat Jodo Nyay Yatra chola homoitey Congress leader Rahul Gandhi, Jairam Ramesh aro Bhupen Borah ke hamla kora tu ekdam kara para galat asey koikina ailan kurisey.
United Opposition Forum para Congress leader khan ke attack kora tu condemn kurisey aro etu ghotna tu Assam ke ekdam sharamnak hisap te represent kuridisey.
Akhil Gogoi para United Opposition Forum laga behalf te kotha kurikina Assam Chief Minister Himanta Biswa Sarma ke resign kurilobole demand kurisey.
Gogoi para koisey ki etu hamla tu CM Himanta para nukurisey koilebi, tai tu Bharat Jodo Nyay Yatra chola homoitey kanoon aro beybosta ke samhalibole nakamyab huwa nimitey zimidar asey.
Assam te BJP para chola sarkar ke accuse kurikina Akhil Gogoi para koisey ki etu rajya tu ekta jungle raj laga under te nohoikina Hitler para rule kora nisna hukum dikina chola hisap te cholai asey.
Gogoi para koisey ki desh tea am public khan nimitey security laga kami thakikina ekta declare nokora Emergency nisna situation chuli asey.
January 21 te Assam laga Sonitpur district te Bharat Jodo Nyay Yatra chola homoitey Assam Congress chief Bhupen Kumar Borah ke badmash khan para marisey. Aro Congress laga general secretary Jairam Ramesh laga gari ke badmash khan para target kurisey.
Add Comment