January 23, 2024: Taliban kan para Afghan maike kan keh work, travel aro health care laka access deh restrictions impose kuri ase taikan male guardian nata kileh nahoileh sathi nakuri leh, ekta U.N report laka isap deh kuto Monday din deh publish hui shae.
Ekta incident deh, Vice and Virtue Ministry laka officials kan para ekta maike keh sathi kuri b kui shae health care facility deh tai laka kam tho rakhi bole mun jai leh. Taikan para sathi nakura maike kam taka tho inappropriate ase kui shae.
Taliban kan para bishi wak public jaka kan deh maike kan keh barred kuri nah ase aro sixth grade laka upor maike kan keh school jab oleh nadia hui shae. Taliban, etu sob taikan power deh aha piche kuri ase 2021 deh. Taikan para moderate rule kuri bole kasam kuri shae hoile b dika takt ho enaka kura nahoi.
Taikan para beauty parlors kan tak b ban kuri nah ase aro ekta dress code b enforce kura shuru hui shae. Maiken kan kun etu follow nakureh, taikan keh arrest b kuri ase. May 2022 deh, Taliban kan para ekta degree issue kuri shae maike kan khali taikan laka suku heh dika bole lakeh kui nah aseo head-to-toe burqa laka bole recommend kuri shae.
Add Comment