January 24, 2024: Ekta Russian Llyushin-76 military, transport plane crash hui shae southern Belgord region deh kuto Ukraine keh border kureh. Kom seh kom 65 manu muri jai shae, Reuters para report kuri shae Russia laka defense ministry keh quote kuri kina.
“Board deh taka sob manu muri jia shae,” Belgorod regional governor Vyacheslav Gladkov para kui shae. Belgorod tho Ukraine keh border kureh aro Ukraine laka htah para hamla ahi takeh. Jua sal December mohina deh Ukraine para missiles strike kura tho 25 manu keh murai di shae.
Ria Novosti news agency para board deh taka manu kan tho Ukraine armed forces laka captured manu kan taki shae kui shae. “Board deh taka manu kan tho 65 captured Ukrainian army servicemen taki shae kun kan Belgorod jaka deh transport kuri taki shae exchange karne,” Russian defense ministry para kui shae.
Crash laka cause tho itia b investigate kuri ase aro ekta special military commission jaka crash laka jaka deh jai ase. Belgorod regional governor Vyacheslav Gladkov para tai tho incident laka kobor tho jane kui shae hoile b aro eku kobor kan dia nai.
“Itia ekta investigation team aro emergency services kan site deh kam kuri ase. Mui muila working schedule change kuri di shae ario district deh jai jai shae.”Tai para AFP keh kui shae.
Add Comment