January 24,2024: Congress laka general secretary Jairam Ramesh para Wednesday dhe koishae ki INDIA bloc dho Mamata Banerjee nai koili imagine kuriboli nebaribo. Aru Mamata laka announcement dhe tai koa dho ki Trinamool dho 2024 laka election dhe solo jaboli koto tai ki comment kuriboli koishae aru Jairam para koishae, “ Tui para tai laka pura statement dho bhal para buranai. Tai laka pura statement dho enika takishae ki tai BJP ki harabo mun aru etu kurne tai step ekta bhi back nakuribo. Aru etu lokot moikan (Bharat Jodo Nyay Yatra) kann West Bengal jaboli ase. Moikan long journey dhe taka time dhe spped breaker ahi aru lal light bhi ase,” enika Congress laka leader para koishae.
“ Lal Light aru speed breaker mane journey khotom hoishae nahoi. Rahul Gandhi ki question kan hutihsae aru tai koishae ki Mamata Banerjee dho INDIA bloc laka key leader ase. Mamata Ji dho moikan laka country laka tall leader ekta ase enika Rahul Ganhdi para jawab deshae. Moikan Imagine kuriboli nebari INDIA bloc ki Mamata Banerjee nai koili. Enika Jairam Ramesh para koishae.
West Bengal deh seat-sharing laka kotha kuri ase aru middle ground dhe dho bunchibo enika Congress laka leader apra koishae. Aru tai koishae ki INDIA dho West Bengal apra election kurne contest kuribo bloc para.
Aru Mamata Banerjee laka allegation ki tai ki Rahul Gandhi laka Bharat Jodo Nyay Yatra laka tai ki inform kura nai aru etu Yatra dho West Bengal bunchiboli takishae Jairam Ramesh para koishae ki Mallikarjun Kharge para tai laka speech kan dhe INDIA party leaders kan sob ki etu yatra kurne invite kurishae.
Add Comment