NEW DELHI, OCTOBER 27 : India aro Myanmar desh 2 jun melekena tai kan desh Border te bithormanu kan ke khilaf kurikena ki-ki husir laga action manibole kuri ase. Tai 2 jun desh bi tai 2 jun desh laga International Border te Security Cooperation manibole aro manu kan aro Trade (Business) kura kan nemite thik pora sabole karne kuri ase. Aro etu kotha mela kura aro mana kura toh sob Northeastern States jaka te hi bhal hobole karne ase koise. Kele etu bithormanu kan besi bhak toh Myanmar jaka porahi ase koi kena. Etu Bithormanu kan toh ULFA (I), NSCN (K), Manipur aro North Bengal laga Militant Organisations kan ase. Aro tai kan sob Myanmar Bordering India jaka te thaka kan hi ase koise.
Etu kotha mana toh Delhi te tai 2 jun (India aro Myanmar) 22nd National Level Meeting mana time te mana laga ase. Aro etu Meeting toh Friday din te khotum kuridese koise. Etu ke Indian Delgation toh Home Secretary Rajiv Gauba pora ahkete luijai kena aro Myanmar Delegation toh Major General Aung Thu, Deputy Minister, Ministry of Home Affairs, Government of Republic of Union of Myanmar laga pora ahkete luijai kena etu meeting manaise koise. Etu ke tai 2 jun desh bi janwar aro Narcotic Drugs ka nana-baji (smuggling) kura ke thik pora husir laga action lobole aro thik pora sabole kuribo koi kena manise. Etu oporte International Border Management nemite ahkete bhal te luijabole bi manise koise. Aro Myanmar Delegation kan pora bi Union Home Minister Rajnath Singh ke matise koise.
Add Comment