January 27, 2024: Saturday din deh Prime Miniter Narendra Modi para Parliament aro State Legislatures kan ‘one nation, one legislative platform’ laka goal realise kuri bo karne kam kuri ase kui nah kushi deh ase kui shae tai.
84th All India Presiding Officers’ Conference (AIPOC) virtually address kura time tai para kunba political parties kan taikan laka members defend kuri bo karne House laka rules b violate kuri deh kui shae aro etu tho Parliament aro state legislature karne bhal nai kui nah warning di shae.
“2021 deh mui apni lokot kotha kura time deh, mui ‘one nation, one legislative platform’ laka kotha kuri shae. Mukan laka parliament aro state legislature kan E-Vidhan aro Digital Sansad Platforms kan chui nah etu goal karne kam iti kuri ase kui nah kushi deh ase mui,” Prime Minister para kui shae.
‘one nation, one legislative platform’ project tho sob legislatures laka proceedings kan ekta single digital platform deh available bana bole aim kuri ase. Legislature laka image tho taikan laka members laka conduct upor deh ase, prime minister para kui shae.
“Ekta time taki shae kitia Houe laka member kan rules bangai shae koile action lui utu member laka against. House laka senior members kan tai lokot kotha kuri bole tai future deh aro enaka mistake nakuri bo karne. Hoile b aji khali kun bah political parties kan enaka members kan keh support kreh aro taikan laka kulti tho defend kureh. Enaka situation tho Parliament aro state legislature karne bhal nahoi,” Modi para kui shae.
Add Comment