SHILLONG, OCTOBER 27 : SC aro ST Legislators Parliamentarians Forum laga National Working President, Inder Iqbal Singha Atwal pora koa hisabte Centre kan North East Venture Fund (NEVF) toh North Eastern Region Entrepreneurs kan nemite motub hobole karne ulaidese. Etubi business kura aro jula ke bhal hobole karne.
Khobor kura kan ke Saturday din kotha kura time te etu President Inder Iqbal pora Etu Northeastern Region nemite etu Venture Capital Fund ulaidebole kura toh ahke wala ase. Aro etu toh sob North Eastern Development Finance Corporation Ltd. (NEDFi) porahi ula laga ase koi kena janaise.
Tai hisabte etu Venture Fund laga asul babuna toh etu Northeastern Region laga Entrepreneurs kan suru-suru Business kura time te motub hobole karne hi ase koi kena janaise. Aro etu oporte etu pora North Eastern Region (NER) te bi etu Entrepreneurship chis toh ahkete anedebole karne ase koi kena janaise.
Tai bi etu Fund nemite Capital Commitment toh Rs. 100.00 crore ase. Etu majutte Rs. 75.00 crore toh Ministry of DoNER (Rs. 45.00 crore) aro NEDFi (Rs. 30.00 crore) 2 jun pora melekena debole ase koise. Aro baaki tusera Rs. 25.00 crore toh Small Industries Development Bank of India (SIDBI) pora debole ase koise (in-principle).
Add Comment