January 28, 2024: Russia lokot war kila time deh, Ukraine para corruption uncover kuri shae kuto laka worth $40 million ase. Etu corruption tho arms kan kina deh ase kuto military karne ase. Saturday din deh Ukraine laka SBU service para mass procurement deh kobor di shae, news agency Reuters para di shae. Fraud tho 100,000 mortar shells laka purchase deh ase kuto Ukrainian military karne ase.
SBU, taikan etu kui shae. Taikan kui shae ki, ekta investigation para Ministry of Defense aro arms supplier laka mangers Lviv arsenal laka officials kan keh expose kuri di shae, kun kan shells laka purchase deh 1.5 billion nishi nah hryvnias chor kuri shae. Invetigation laka isap deh, Ministry of Defense laka right ranking officials aro aflliated companies laka heads kan etu fraud deh involve ase.
SBU para Russian-Ukraine war shuru hui nah choi mohina hua piche deh, shells karne ekta contact banai shae Lviv Arsenal lokot deh aro payment tho advance para di di shae. Hoile b arms kan ekta b dia nai, statement para kui shae, etu piche kun bah funds kan tho alak foreign accounts deh di di shae.
Suspects laka against legal proceedings kan shuru hui jai shae. Pastha manu kan “notices of suspicions” pai jai shae – Ministry aro arms suppliers tuita deh b. Ekta suspect tho Ukraine chari bole koshish kura taki shae aro etu time deh duri lui shae.
Add Comment