Roger Federer semi-finals kushise

Agencies, 27 October: Friday deh Roger Federer toh Swiss Indoors tournament laga semi-finals deh kushibole parise. Tai Frenchman Gilles Simon logode 7-6(1) 4-6 6-4 pora haraideya thakise. Swiss toh tai laga opponent logode jetibo karni 2-1/2 hours laga thakise. Etu pora tai tournament deh jeta 18^th par hoise. Tai etya nine par jetibo karni kosish koribole ase. Second game time deh Simon toh 5.2 pora agae deh thakise. Hoilebe World number three Federer toh aro fight kori kena 5-5 bonaideya thakise. Etu bechide tai pora 12^th game time deh set point bacha thakise. Etu bechide tiebreak time deh tai pora 7-1 score pora jeti lowah thakise. Second game laga final set time deh Federer pora phangkaideya thakise hoilebe Simon toh seventh laga deh jawab debole napara thakise. Hoilebe tai 12^th game laga deh lost hoise. Etu time deh tai tui-par sitha galdi kora karni match toh Federer pora jeti lowah thakise. Second seed Alexander Zverev be Roberto Bautista Agut logode 7-5 6-3 pora jetibole parise. Tai etu par jeta meli kena 52^nd par hoise. World number five toh season laga fourth ATP title nemide aim kori ase. Second roun deh third seed Marin Cilic logode jeta Marius Copil toh American Taylor Fritz logode 7-6(6) 7-5 score pora jeti kena ase.