Imphal, January 28 : Congress president Mallikarjun Kharge para olop din ageyte Manipur Congress laga Chief K Meghachandra ke Arambai Tenggol (Meitei militant group) para January 24 te mara laga report te Union government ke action lobole demand kurisey.
Manipur Congress president K Meghachandra ke Imphal laga Kangla Fort te Arambai Tenggol para rakha meeting chuli thaka homoitey marisiley. Etu meeting tu rajya te jhamila ola laga mamla te discuss kuribole nimitey rakhisiley.
Congress president Mallikarjun Kharge para union home minister Amit Shah ke letter likhikina Manipur Congress President Keisham Meghachandra ke mara laga mamla te chinta jataisey aro PM Narendra Modi para etu mamla te chup thaka aro action nuluwa tu criticize kurisey.
Congress President para tailaga letter te, Amit Shah ke Manipur te joldi democracy aro kanoon laga palan kora tu wapas anibole nimitey joldi action lobole koisey.
January 24 te Kangla Fort te meeting huwa homoitey Manipur laga komsikom 3-jun MLA tu Arambai Tenggol laga demand manibole inkar kora nimitey mar khaisey . Etu 3-jun MLA majotey duijun tu BJP party para thakisey.
