GUWAHATI, OCTOBER 28 : Ekta ekdam nahua chamala te Assam Police pora ekjun dail chamala laga Kingpin thurise. Etu manu toh Dhibanath Shah ase. Aro tai Dimapur, Chumukedima aro tusera jaka kan Nagaland state lag ate dail nemite besi chur kurikena ulta kam kuri thaka laga ase oise. Etubi 2016 sal phale. Etu karne tai ke thura huise.
Etu manu ke thura karne Assam Police logot ACAUT, Nagaland te Social Organisation nemite thaka pora besi khushi baa aro salam diya janaide thakise koise. Aro etu ACAUT pora bi etu moda Dhibanath Shah ke thura toh etu moinda ahke phale thuri kena Assam laga Rangia Police station, Kamrup District lag ate case file kuride kena ase koi kena janaise.
ACAUT kan porabo Nagaland Police logot etu Assam Police kan logot mela-mele thakibole kuribi koi kena janaise. Aro interstate criminal kan sob kobi Corrupt Officials kan kebi melekena thik pora husir laga action lui kena saidebole kuribi koi kena janaise.
ACAUT kan porabi etu Kingpin pora tai laga dail business kura Unit toh Khakathi te luijaise. Etubi Dimapur pora olop Kilometres hi thaka jaka te. Aro tai etu dail business kura toh sob Kerosene mix kurikena thaka laga kam hi kuri thakise koi kena janaise. Aro etu Kingpin ke thuribole bara karne etu nesena chamala manu ke arobi tusera kan thaka ke thuri kena jaa hobo. Aro etu nesena nahua kam chamala toh ami kan jaka pora hatijabole bari koi kena janaise.
Add Comment