Tura, Oct 27, 2018: Friday te Security forces khan pora Bangladesh laga international border osor te hemp lagaikena thaka toh biya kuridishe .Etu Kuligaon Mahendraganj South West Garo Hills (SWGH) bosti te milikena chan bin kura ase .Etu civil administration aro police majhotte joint operation toh October 26 3-5 pm majhotte kurishe .Etu bi Bangladesh international border pora 5 kms olop jaikena thaka jaka te .Etu hemp biya kura toh additional magistrate, SB Sangma pora kura ase BSF khan laga modot pora BOP Kalaichar pora manpower dikena.”Etu chan bin kura time te komti hoilebi 14 nishena mati hemp laga paishe etu te 3 ta toh khotom kuridishe .Sob milaikena 400 hemp ghass khan khotom kurishe .Etu mati khan kuntu te etu khan laga kheti kuri thakishe etu khan toh Durga Hajong, Vishwajeet Hajong aro Sujeet Hazong ase .Komti hoilebi kacha hemp 400 kgs nishena khotom kurishe etu operation laga pohila din te .Dusra patches khan toh khotom kuridibole paranai hoilebi saikena rakhikena ase team khan pora .”Rati hoi thaka nimete etu operation toh bondh kuri dishe kile koile etu te manu khan bishi lagi thakishe .Etu operation toh chuli thakibole hi ase .Komti hoilebi 1000 kgs nishena hemp khotom kuridishe .Etu lagaikena thaka hemp toh dusra jaka te luijabole nimete thaka ase .”Khobor paikena BSF khan etu dusra desh te lui jabole thaka toh rukhai dishe India pora Bangladesh te aro tai khan pora etu border area phaleh te ganja smuggle kura khan ke paishe .
November 24, 2024
World's First and Only Nagamese Newspaper
Add Comment