Imphal, February 01 : Manipur laga Chief Minister N Biren Singh para February 1 te ‘X’ (poila te Twitter thakisey) te announce kurisey ki tai boha jaga te Naga People Organization Senapati laga representative khan logotey ekta laab thaka meeting rakhisey.
Etu session te, Chief Minister N Biren Singh aro Naga People Organization Senapati laga representative khan tu ekta lamba discussion kurisey. Etu discussion tu Manipur sarkar laga under te alag alag project aro initiative khan effective para lagu kuribole laga mamla te thakisey. Taikhan para Manipur laga manu khan laga bhalayi aro progress nimitey milikina kaam kora laga bi discuss kurisey.
Enaka baat-chit kora tu kiman jaruri asey etu janaikina, Chief Minister N Biren Singh para Naga People Organization Senapati para share kora chinta nphoilebi mamla khan ke bi acknowledge kurisey. Tai para koisey ki ekjun ekun laga idea share kora para rajya te development anidiya laga kaam kuribole laga aim ke shape kora te ekta jaruri role nibhabo koikina akha kuri asey.
January 29 te, CM N Biren Singh para koisey ki Manipur tu ekta muskil homoi para gujri asey. Aro etya manu khan ekjut hoikina asli dushman kun asey etu bisarikina olabole laga homoi asey. Tai para etu kotha tu Imphal Ring Road project lag aflagging-off ceremony te koisiley.
Tai para enaka koisey, “Amikhan tu aji ekta muskil phase para gujri asey. Amikhan para enaka mushkil homoi dikha tu etu poila bar nohoi. 1992- 1993 te jati majotey larayi huwa homoitey, 1,000 para bisi manu laga jaan jaisey. Aji amikhan dukh pai asey Amikhan tu enaka manu khan logotey deal kuri asey kun khan para ekta rajya ke bhangaidibole kosis kuri asey. Rajya(Mnaipur) tu etya 9 moina opor nughumaikina asey.”
