February 2, 2024: Ukraine para taikan ekta special operation deh ekta Russian Warship bangai di shae kui shae Black Sea Fleet deh. Ukraine intelligence para chutu warship tho hull deh direct hits kan laka piche deh dubi jai shae kui shae.
X deh Ukraine defense ministry laka official account para video ekta share kuri shae Thursday din deh kuto Russian warship ekta duba laka dikai shae. Ministry para Ukraine defense laka ekta special unit para Russian Balck Sea Fleet laka missile corvette “Ivanovets” keh bangai di shae kui shae.
“Aji diin laka shipwreck! Special unit @DI_Ukraine laka Group 13 Warriors kan para Russian Black Sea Fleet laka missile corvette “Ivanovets” bangai di shae. Hull deh direct hits laka karne, corvette tho damage hui jai shae aro dubi jai shae. Ship laka dam tho approximately $60-70 million taki bo. Bhal kam kuri shae, warriors kan,” Ukraine laka Defense ministry para post kuri shae.
Ukraine defense ministry laka main directorate of intelligence para etu successful operation laka details kan di shae taikan laka official website deh.
“Operation tho Ministry of Digital Transformation of Ukraine aro United24 platform laka motot karne kuri bo pari shae. Dushman laka ship tho Black Sea deh patrol kuri s=taki shae Lake Donuzlav laka osor deh kuto occupied Crimea laka osor deh ase. Hull deh direct hit laka karne, Russian ship tho hili bole napara laka damage kai shae – “Ivanovets” tho stern deh roll kuri nah dubi jai shae,” official website laka message para kui shae.
Add Comment