February 2, 2024: Friday din deh North Korea para cruise missiles kan test-fire kuri shae sea deh. Etu tho North laka forth cruise missile test ase 2024 deh. North Korea laka leader Kim Jong Un para Nampho laka ekta shipyard deh unspecified naval project inspect kura piche deh etu test kan tho hui shae, news agency AP para report kuri shae.
South Korea laka military para taikan missiles kan bishi detect kuri shae kui shae hoile b taikan laka flight characteristics deh ekta specific number kan dia nai. Taikan laka Joint Chiefs of Staff para US aro South Korean military kan North Korean missiles analyze kuri ase kui shae. Etu launch kan tho South Korea, Japan aro US lokot tensions taka time deh hui ase. Jua mohina phale, Kim para North Korea laka koshish kan highlight kuri shae ekta nucelar-armed navy bana bole.
North Korean laka official Korean Central News Agency(KNCA) para Nampho deh ki type laka warship bana ase, etu deh kobor dia nai hoile etu kan tho ekta five-year military development plan deh related ase kui shae kuto ruling party congress time deh set hui shae 2021 deh. 2021 deh, Kim para advanced military assets laka extensive wish list reveal kuri shae kuteh nuclear-powered submarines aro nuclear missiles taki shae kuto pani laka pitor para launch kuri bole pareh.
Add Comment