February 2, 2024: Deputy Commissioner, Kohima laga office Chamber tey consultative meeting thakishey 2nd February 2024 tey Kohima District Sports Council, the Chief-de-Mission, Deputy Chief-de-Mission, President aru upcoming Nagaland Olympic & Paralympics Games 2024, kontoh thakiboley asey Dimapur tey 13th para 17th February 2024 tey, tatey alag alag disciplines para representatives khan logo.
DC Kohima, Kumar Ramnikant IAS para representatives khan ke koishey ki, Administration aru District Sports Council khan para fully support debo players aru teams khan ke aru akha asey ki participants aru players khan tai khan laga respective discipline tey highest potential bongchibo.
DC para organization laga suggestion accept kurishey, itu NAO ke request kuriboley aaha saal karney date aru month toh reschedule kuriboley, Kiley koiley itu Olympic toh Board examinations laga same month aru date tey loi itu nimetey. DC para preparatory funds di dishey representatives khan ke aru koishey ki sob boisa laga kaam tey complete transparency thakibo.
Add Comment