BJP aro tusera leaders kan Madan Lal mura karne mondukh kotha janaise

NEW DELHI, OCTOBER 28 : Saturday rati te Purana Delhi Chief Minister Madan Lal Khurana toh 82 sal huikena murijaise. Etubi RSS aro BJP laga member nemite thaki kena 1993 sal te Delhi Chief Minister karne hua. Eneka huikena tai etu Delhi CM nemite 1996 sal dak, kobi 3 sal nemite thaki kena Hawala Chamala karne hatijaa laga ase. Aro tai bi Delhi CM nemite hi nahui kena Lok Sabh member nemite 4 bar hua laga ase. Aro Rajasthan state laga Governor nemite 14^th January 2004 pora 1^st November 2004 dak thaka laga ase koise. Tai laga murijaa kao toh Delhi BJP Office te Sunday 12pm te last respect janaidebole nemite rakhibole manikena thakise koise.

Etu purana Delhi CM mura karne BJP Party leaders kan pora besi mondukh baa kotha janaise. Aro Bihar Chief Minister Nitish Kumar pora bi Sunday te etu Senior BJP Leader Madan Lal Khurana mura aro Munger MP Veena Singh laga moda bacha Ashutosh Singh mura karne mondukh kotha janaide thakise koise.

Etu purana Delhi CM mura toh Kirti Nagar jaka, Delhi lag ate mura laga ase. Aro etu MP laga moda bacha Ashutosh Singh mura toh rasta chamala (road accident) huikena mura laga ase koise. Aroe tu MP laga moda bacha toh Private University, Noida te Master in Business Administration (MBA) buri thaka manu ase koise.