NEW DELHI, OCTOBER 28 : Saturday din asul khobor hisabte Directorate of Revenue Intelligence (DRI) kan multi-City Raids koi kena ki-ki besara-besari kurikena sai thakise. Etu time te 48 khuntha majutte Sona khushi-khushi ana-baji kura aro bekabole kura thuri baise koise. Etubi 100 kg bhari.
Etu khobor DRI pora janaidiya hisabte Land Border te pora ami kan desh osorte thaka desh kan pora ami kan desh te etu sona lukai kena ane thakise. Etu time te thik tai kan DRI Officials kan pora 55 kg bhari sona thuri baise. Etubi 55 bars 1kg- 1kg hisabte koi kena 55 kg bhari thuri baise koise. Aro etu thuri baa toh 2 jun manu kari pora Siliguri jaka te lui ane thaka time te baa laga ase. Etubi October 26 sam phale.
Etu sona toh 099.99 percent pure sona saman ase. Aro etu sona toh Chinese aro Australian origin nesena ase koise. Aro etu thuri baa toh Kari jula manu laga boha jaka (driver’s seat) te lukai kena baa laga ase koi kena, Probe Agency kan pora janaise.
Tusera wala chamala te Saturday din New Delhi Railway Station jaka te 3 jun manu etu sona lukai kena ane thakise koise. Etu time te thik DRI kan pora 34 kg bhari (34 bars of 1 kg each) thuri baise koise. Aro etu sona toh Chinese aro Swiss origin thakise koise. Aro etu chamala nemite 3 jun manu thura majutte 1 jun tusera desh laga manu ase koise.
Etu oporte tusera wala chamala te Chennai, Bengaluru, Madurai aro Indore Airport jaka te Colombo aro Singapor jaka pora lui ana Sona bi 13 kg bhari thuri baise koise. Etu sona kan sob melai kena 100 kg thura huise aro etu oporte Rs. 32 crore poisa bi thuri baise. Aro etu chamala nemite sob melai kena 7 jun manu kobi Bhutanese desh laga bi melekena thuria huise koise.
Add Comment