Itanagar, February 08 : Arunachal Pradesh laga Home Minister Bamang Felix para announce kurisey ki police para utu manu khan ke identify kurisey kun khan tu former Member of Legislative (MLA) laga murder nimitey zimidar asey.
Etu case tu Yumsen Matey koikina Arunachal laga Khonsa West seat laga ekjun ex-MLA ke moaidiya laga asey. Matey para 2009 te Congress laga ticket te seat jitisiley. Hoilebi picheyte 2015 te tai tu Bharatiya Janata Party (BJP) join kuriloisey.
Etu bhayanak ghotna tu juwa saal December 17 te hoisey, jitya Matey ke Myanmar border osor te thaka Arunachal Pradesh laga Tirap district laga Raho busti ke visit kora homoitey taikey guli marikina moraidisey.
Enaka suspect kuri asey ki etu hamla te utu area te active thaka underground group laga haath asey. Guli maribole ageyte, ekjun manu para Matey logotey jaikina chalak kurikina private kotha kuribole mon asey koisey.
Matey aro etu manu eksath jaikina olop diri huwa picheyte, ekta guli mara laga awas ahisey. Aro Matey logotey etu jag ate ja manu khan para taikey murikina thaka paisey. Etu ghotna huwa picheyte guli mara manu tu Myanmar fale polaisey koikina bhabi asey.
Etu jurum huwa laga jawab te, Arunachal laga Chief Minister Pema Khandu para police ke mujrim khan laga khilaf te joldi action lobole koisey. Matey laga murder case te investigation kora tu suru te Arunachal Pradesh laga police para handle kurisiley. Hoilebi picheyte December 22, 2023 te National Investigation Agency (NIA) ke transfer kuridisey.
Matey laga political career tu yadgar thakisey. Tai tu Congress MLA hoikina seva kurisiley ,. Aro Departments of Women and Social Welfare, Social Justice and Tribal Affairs te Parliamentary Secretary laga role dhurikina thakisey. Ahibole thaka 2024 assembly election te contest kuribole laga tailaga irada tu etu ghotna nimitey pura hobole paranai.
Suspect ke identify kora tu etu case te ekta dangor development asey. Etu para dikhai asey ki Arunachal Pradesh laga government aro law enforcement agency khan para etu former MLA homoi nupungchikina murija nimitey taikey nyay dilabole kosis kuri asey.
Add Comment