February 11, 2024: Saturday din deh ekta Israeli official para Ramadan laka shuru time deh Rafah laka operation tho kotom kuri bo mun jai kui shae Natanyahu. Ramadan laka shuru tho March 10 deh ase.
United Nations kan para taikan Israel laka plan sai nah bishi jinta ase kui shae. Alak side deh Human Rights Watch para ekta mass evacuation kuri shae koile tho ekdum bia consequences kan taki bo kui shae.
Saudi Arabia laka foreign ministry para Saturday din deh Rafah laka jaka deh joborjost storm aro target kuri shae koile serious repercussions taki bo kui nah warning di shae. United Arab Emirates para b ekta stern waning di shae Israel plan laka mamla deh. Taikan para plan tho innocents lives laka loss hobo leh threaten kureh kui shae aro puila para heh bia taka humanitarian crisis aro bia kuri dibo kui shae.
Alak kobor deh Israeli aircraft para teentha Hamas member kan keh murai di shae southern city deh. Manu mura deh tuita tho senior military operatives taki shae kui shae IDF para. Palestinians police para aro kom seh kom pastha officers muri shae kui shae Israeli laka airstrikes para kuto Rafah deh hui ase. Hospital officials para b ekta strike para kom seh kom 12 civilians keh murai di shae kui shae.
