February 18, 2024: Russian opposition leader Alexei Navalny laka body Salekhard morgue para hari nah ase kute taike officially raki nah taki shae. Navalny laka lawyer aro taila ama, Lyudmila Navalnaya tateh jaka deh ahi shae aro taikan keh “Alexei laka body tho morgue deh nai” kui shae. Kremlin critic laka spokesperson, Kira Yarmysh para etu issue deh updates kan hotai di ase. Body tho investigators kan laka hath deh taka time deh, Navalny laka team para body tho release kuri nah kandan keh deb oleh demand kuri taki shae.
Tai February 16, 2:17 pm local time deh reported muri jai shae. Yarmysh para aro social media deh tai kinaka muri shae, etu tho itia b jani bole baji nah ase kui shae. “Taikan misa kuia se aro body keh nadi bole ki kuri bo pareh, sob kuri ase taikan,” Yarmysh para X deh liki nah post kuri shae.
Navalny laka lawyers deh ekjun para results tho aha hapta deh released hui jabo kui nah janai di shae kui shae taikeh Salekhard laka Investigation Committee para. Hoile b taila team para etu tho taikan laka aro ekta tricks ase kui shae, ene taikan keh circle deh birai d bole.
