Pakistan jetise Australia logode

Agencies, 29 October: Sunday din top-rank Pakistan toh arobe ektum phal khela thakise. Tai khan Australia logode 33 runs pora third aro final Twenty20 match deh jetise. Australia khan first Test hara bechide Test series 1-0 pora lost howah thakise. Babar Azam (50) pora 40 balls laga deh second half century bonai deya thakise. Etu pora Pakistan khan 150-5 score de thakise. Etu agae deh captain Sarfraz Ahmed pora toss jeta bechide bat first juna thakise. Australian khan third par laga deh kethai thaga namija thakise aro tai khan 19.1 overs deh 117 pora sob out howah thakise. Leg-spinner Shadab Khan pora 3-19 lowah thakise aro Shoaib Malik pora tinta ektum phal catch kora thakise. Ahmed pora kowah toh, moda khan ektum dukh korise aro reward toh paijaise. First game laga series time deh Azam aro Sahibzaba Farhan (39) ektum phal pora suru howah thakise. Tai jun out nahowah aga deh taijun pora Pakistan logode 93 de-deya thakise. Out nahowah agae deh Farhan pora three sixes aro two fours mara thakise aro Azam five fours aro ekta six mara thakise. Australia khan bat toh spinner Adam Zampa (1-25) pora suru howah thakise aro Mohammad Hafeez (32 not out off 20 balls) aro Malik (18 off 12) pora total pongjaideya thakise. Australia nemide Alex Carey toh 20 score loikena ektum gara pora suru howah thakise. Tai pora first over time deh spinner Imad Wasim laga ball deh two sixes aro two boundaries lowah thakise. Hoilebe Australia top order toh third par karni ketum beya hoise. Carey pora Hafeez’s first delivery deh oloble koish kora thakise aro tai lead lowah thakise. Chris Lynn sweep Shadab’s first ball toh midwicket pora thura thakise. Series deh Ben McDermott (21) toh third par karni run out howah thakise aro Mitchell Marsh be 21 score lowah bechide ektum sosta pora catch out howah thakise.