February 21, 2024: Tuesday din deh The World Health Organization para taikan ekta second evacuation mission complete kuri di shae kui shae Gasza laka Nasser Hospital para hoile b jaka deh 150 nishi nah patients aro medics kan taka karne jinta ase kui shae.
Khan Younis deh taka Nasser Hospital tho Gaza laka second largest ase aro etu hospital tho jua hapta kam kura rukhi jai shae ek hapta lamba Israeli siege hua piche deh, U.N agency para kui shae. WHO Staff aro alak aid groups kan para itia tak 32 critical patients evacuate kuri shae. Tateh jokom kah bacha kana se aro paralysis taka manu kana se. Hoile b agency kan itia b tateh baji jah manu kan karne jinta ase supplies kan komti hui jah karne.
“Hospital deh baji jah patients aro health workers laka safety aro well-being karne WHO bui kai ase aro biman manu kan keh enaka lifesaving care dia time deh duk di shae kuile tho manu bishi muri bo kui nah warning di ase,” WHO para social media platform, X deh kui shae. Taikan para itia b 130 patients aro 15 medics baji nah ase kui shae.
