February 24, 2024: Saturday din deh Prime Minister Narendra Modi para Congress party kan tho dynasty, appeasement aro corruption laka bahar papna kuri bole napareh kui shae aro country laka development tho kitia b taikan laka agenda deh taka nai kui shae. Taikan tho khali government heh fomr kuri bole focus taki shae kui shae.
Modi tho virtually ‘Viksit Bharat Viksit Chhattisgarh’ program address kuri taki shae kuto BJP leaders kan para attend kuri shae. Chief Minister Vishnu Deo Sai, Bhartaiya Jana Party (BJP) leaders aro officials kan b main event deh present taki shae kuto Raipur laka Indoor Stadium Budha Talab deh taki shae.
Modi para tostha development projects laka foundation stones b lay kuri shae kuto laka damn Rs 43,400 crore laka upor ase. Modi para India tho aha pas sal deh dunia laka third-largest economy hua time deh, Chhattisgarh kan development laka nutun heights punchi bo kui shae.
“Independence piche deh manu kan kun country keh bishi deri karne rule kuri taki shae, taikan laka papna tho eman dangor taka nai aro taikan laka political interest isap deh decisions kan lui taki shae. Congress kan tho power deh ahi taki shae hoile b country laka future bana bole bahuri jai shae,”PM Modi para kui shae.
Add Comment