Dimapur, 30 October: Manipur deh tribal chamala thaga karni Naga Scholars’ Association (NSA) pora kotha koribole (discussion) panel organise koise. Etu toh October 26 direk School of International Studies (SIS), JNU, New Delhi jaga deh lowah thakise. Panellist toh Dr Tuisem Ngakang aro Dr Khole Timothy Poumai thakise. NSE ola hesab deh, tuita penalists be Naga-Kuki chamala ke saija thakise. Tai khan pora 19th century deh chamala howah toh, Kukis khan Myanmar pora Naga areas deh ahha bechide aro British deployment khan Nagas logode control koribole kosish kora time deh Kukis pora motob kora time deh howah ase. Etu time deh Kukis khan advantage loi kena Naga laga match kabja kora thakise koise. Hoilebe Naga villages khan pora tai khan logode ektum dekthari deya thakise aro kunbah Kukish khan olob mathi lobo nemide Naga villages khan logode poisa be deya thakise. Etu nesana sob Kuki villages deh notun Kuki villages naam toh Naga villages khan saijai kena naam kora thakise. 1990s time deh Naga-Kuki relationship toh ektum beya hoija thakise. Etu time deh Nagas aro Kukis laga hundreds manu mora, hundreds khor jola aro besi bosti manu khan hatija thakise. Dr. Tuisem ektum mondu hoi kena Nagas aro Kukis laga relation phal hobo karni saijabo lagi koise. Nagas aro Kukis majode hotai reighbours thakibole ase etu pora beya phalli namanile phal ase koise. Tai pora tuita communities majode ekjun ekjun logode phal saman khan besi offer koribo pari koise. Tai pora Nagas aro Kukis majode phal koridebo karni scholars khan nemide ektum important role ase koise. Panel discussion laga chair Prof. Yaruingam Awungshi pora Nagas aro Kukis khan toh South African nesana phal pora thakibo lagi koi-kena panel discussion kothom korise.
Add Comment