PEREN, OCTOBER 31 : Chega Gadi/Lamsimngi Mini Horbill cum Naga King Chilly khaa Festival toh Wednesday din, 31st October 2018 te khotum kuridese. Etubi DC Complex, New District Headquarter, Peren te. Aro etu din te Advisor, Water Resources Department, Namri Nchang ahe kena suru kuridese aro ahkete luijai kena manaidese koise.
Etu din te kotha kurikena tai Organising Committee kan DC Peren, Heads of Offices kan Peren District laga aro sob Tribal Leaders kan ke etu din nemite bhal te mon melekena manabole kura karne besi khushi baa aro salam diya janaide thakise koise.
Etu din te Welcome Address toh Tourism Officer Peren, Kelhouse-u pora janaidese aro Vote of Thanks toh DC Peren, S. Tainiu pora janaidese. Aro etu din laga Highlights kan toh Cultural Extravaganza koi kena Jalukie B Cultural Troupe kan pora dekhaidese aro Special Gaana toh Peren Voice Impact 2016 laga Winner Keyipeisile Herie pora kuridese koise.
Add Comment