March 8, 2024: Jua hapta Gaza City food distribution jaka deh kom seh kom 118 Palestinians kan murai jai shae Israeli forces kan utu jaka deh goli mara piche deh. Etu incident para condemnation bishi ani shae.
Friday din deh, Israeli military para taikan laka initial investigation share kuri shae. Israeli military para taikan laka troops kan humanitarian convoy keh nahoi nah kun bah suspects kan keh fire kuri shae kui shae kun kan osor deh taka forces kan keh approach kuri shae. Ekta witness para victims kan, goli mara huna tho bui kai shae kui shae. Aro taikan bui deh taka time deh trucks kan para taikan keh jabai di nah bishi keh murai di shae kui shae. Etu incident keh ‘flour massacre” mati ase.
IDF para hazar nishi nah Palestinians kan convoy keh surround kuri nah trucks laka saman kan lui shae kui shae. Aro enaka time deh incident tho hui shae kui shae. Taikan laka troops para cautionary fire kuri shae kui shae suspects kan keh olop dur deh raki bole. Kile koile enaka time deh suspects kan tho forces karne ekta husa threat taki shae.
Add Comment