Headlines

Social Welfare Department Golden Jubilee manaise

October 31, 2018

KOHIMA, OCTOBER 31 : Social Welfare Department Golden Jubilee (1968-2018) laga naam pora 31st October 2018 te Programme manaise. Etubi Capital Convention Centre, Kohima te “Uplift” Theme hisabte. Etu ke Guest of Honour nemite Advisor, Social Welfare aro Home Guards & Civil Defence, Noke Wangnao thakise. Etu time te kotha kurikena tai etu 50 sal hua hisabte etu Department toh besi dangor huijai ase aro purana bi besi purana huijaa ekta ase. Etu karne sob Officers kan etu Department laga naam pora ami kan state laga manu kan ke bhal pora kam julai kena ahkete bhal te anedebole kuribi koi kena janaise.

Tai bi ami kan adat aro neum aro mon de kena kam kuribole kura porahi sob ke bhal te ahkete anedebole baribo aro ami kan Department te bi etu pora ahkete bhal te anediya hobo koi kena janaise. Aro tai bi ami kan Nagaland state laga manu kan ke bhal te etu Department laga Officers kan pora boila aro aji-kali mon de kena kam julabole kura kan ke besi khushi baa aro salam diya janaide thakise koise.

Directorate, Social Welfare, T. Merangtsungba Aier; First Social Welfare Director, A.Y. Odyuo; Retd. Director, Khevito Shohe; Tuensang, Retd. Additional Director, Akangmeren Jamir; aro Secretary, Social Welfare, Sarah R. Ritse kan pora etu Department aro tusera ki-ki kan laga bhal kotha janaide thakise koise.

Etu din laga Programme toh Susan Angami & Neingulie Nakhro pora ahkete luijai kena manaidese. Bible Reading & Invocation toh Pastor, KABA, Sentisashi Aier pora kuridese. Welcome Address toh Joint Director, Social Welfare, Atoli Sema pora janaidese. Obituary References & Prelude toh Director Social Welfare, T. Merangtsungba Aier pora kuridese. Word of Appreciation toh Additional Director & Convenor, Jubilee Planning Committee, Tutula Pongen pora kuridese. Aro etu din te tusera Highlights kan kobi Special Number toh Nagaland Chamber Choir, Dreams Unlimited & Cherry Blossom School, Kohima kuridese. Thanksgiving Prayer toh Mission Director, NCRC, NEI, Rev. Neivotso Neikha pora kuridese. Ahkete Jubilee Souvenir toh Advisor, Social Welfare & Home Guards & Civil Defence, Noke Wangnao pora dedese koise.