India te Statue of Unity nemite

NEW DELHI, OCTOBER 31 : Prime Minister Narendra Modi pora Wednesday din, 31^st October 2018 te “Statue of Unity” toh Gujarat state laga Narmada District te asulte kholidese (Officially). Etubi Sardar Vallabhbhai Patel laga jun din te. Etu Statue toh Sadhu-Bet Island, Gujarat te ase. Aro jaka luidiya hisabte koile toh etu Statue pora 20,000 square meters nesena jaka khaide aro luide (occupies). Aro etu Statue ke 12 Square km Artificial Lake pora round kurikena ase koise.

Etu Statue toh 182 metre lamba (uthja) ase. Aro etu Statue toh duniya laga sob statue pora sobse lamba (uthja) wala ase koise. Aro etu Statue banabole karne Rs. 2,989 crore bhelai kena ase koise. Etu Statue toh Sardar Vallabhbhai Patel, India desh laga ahke Home Minister laga chehara ase. Etubi Traditional Dhoti aro Shawl kabara lakai kena.

Nagaland : Nagaland State kan bi State Level hisabte etu National Unity Day aro National Re-Dedication Day nemite toh eke logot Function manai kena thakise. Etubi 31^st October 2018, Nagaland Civil Secretariat te. Etubi leader aro freedom fighter Sardar Vallabhai Patel laga junum din aro Purana Prime Minister late Indira Gandhi mura din laga naam pora. Etu function toh Secretary of Home Department, Rovilato Mor, IAS pora ahkete luijai kena manaidese koise. Etu National Unity Day (Rashtriya Ekta Niwas) laga naam pora Unity Run koi kena bolabole karne Department of Youth Resources aro Sports kan pora Kohime te manaise. Etubi 31^st October 2018 te. Aro etu Unit Run koi kena bolabole kura toh High School Junction, Kohima pora suru kurikena Khouchiezie (Kohima Local Ground) dak bolabole hisabte manai kena thakise koise. Etubi 3 kilometres dur aro lamba hisabte. Aro etu bolabole karne suru kuridiya toh T J Longkumer, IPS DGP, Nagaland pora kuridese koise.