March 9, 2024: Ekta major international chess tournament, kuto aha mohina Toronto deh lubo leh schedule ase, etu tournament kili bo karne players laka visa issues kan taki shae. Etu hua karne Tournament tho kili bo nah nai, etu deh sure taka nai. Hoile b timing deh players aro alak participants kan laka issue tho thik kuri di shae aro tournament tho continue kuri bole ase.
2024 Candidates Tournament, kuto International Chess Federation nahoile Fédération Internationale des Échecs (FIDE) para conduct kureh, etu tournament tho April 3 para shuru kuri nah 23 tak lubo leh schedule ase. Etu tournament tho chess laka dunia deh sobse prestigious tournament ase koi. FIDE candidates para World Champion karne challengers kan determine kuri bole ase Open aro Women Categories tuita deh b.
Etu tournament deh pastha Indian players kan ase: Teen Grandmaster Praggnanandhaa R, Vidit Santosh Gujrathi aro Gukesh D, Open Category deh aro Women’s deh Rameshbabu aro Koneru Humpy ase.
Hoile b FIDE aro Chess Federation of Canada, tuita para b Friday din para visa laka issuance tho kotom nahoile tournament tho Spain deh move kuri di bo kui shae.
“Visa laka issues kan tho sob players karne solve kuri di nah ase. Tournament tho Toronto deh lubo. Ekta b Indian player nahoile eki lokot aha manu laka visas kan ba nai, enaka eku nai,” Vladimir Drkulec, Chess Federation Of Canada laka President para kui shae.
Add Comment