Novak Djokovic jetise Joao Sousa logode

Agencies, 31 October: Tuesday din Paris Masters laga second round deh Novak Djokovic’s  pora Portuguese qualifier Joao Sousa logode 7-5 6-1 pora jeti lowah thakise. First round bye powah world number two Djokovic toh tai laga opponent pora jar-par serve kora deh phangkaideya thakise. Etu pora tai match jeta deh 19 par hoise. 31-sal Serb etu season korai ahha toh Wimbledon deh Grand Slam jeti kena U.S open logode Cincinnati aro Shanghai jaga deh ATP Masters jeti kena korai ahha ase. Top-ranked Rafa Nadal logode namaidebo karni Djokovic toh etu hapta Spaniard khelari lobole haraidebo lagibo. Tuita khelari be eki round deh harise koile Nadal toh ranking deh world number one thakibole ase. Aro tai ahha moina London laga deh ATP Finals laga deh khelibole ase. Canada’s Milos Raonic toh hari kena thaga bechide second round jetibole parise. Tai toh local khelari Jo-Wilfried Tsonga logode ektum dukh kori kena 6-7(4) 7-6(5) 7-6(5) score pora jeta thakise. 27-sal Roanic toh next Roger Federer logode khelibole ase. Jowah sal quarter-finals ponjibole para Fernando Verdasco toh Frenchman Jeremy Chardy logode 6-4 6-4 score pora jetise. Tai Wednesday din Nadal logode second round khelibole ase.