Imphal, March 19 : Election Commission of India (ECI) para Manipur te hobole thaka Lok Sabha election te larayi jhagra ola nimitey nijor laga ghor ke charikina dusra jag ate jabole majbur huwa manu khan(Internally Displaced Persons(IDPs))khan laga voting process ke facilitate kuribole nimitey Special Polling Stations (SPSs) banabole laga plan janaisey.
Manipur te voting tu duita phase te April 19 aro April 26 te hobole asey.
Manipur laga Chief Electoral Officer (CEO), Pradeep Kumar Jha para chair kora ekta special meeting Tuesday(March 19) te Manipur CEO laga conference hall te rakhisiley. Etu tu election process te IDP khan hisa lobole dibole tayari kuribole nimitey asey.
Etu meeting ke, sob District Election Officers (DEOs) aro Superintendents of Police (SPs) khan para attend kurisey aro ahibole thaka election nimitey overall tayari kora tu jaanch kurisey.
Manipur te Meitei aro Kuki majotey jati laga larayi chuli thaka homoitey, kuntu te 61,000 opor manu khan rajya laga alag alag jaga te relief camp khan te buhibole lagisey, etu homoitey government para taikhan laga voting rights ke dilabole nimitey kadam uthai asey.
Etu meeting chuli thaka homoitey, Manipur CEO para DEO aro SP khan ke bisi jaruri aspect jaiseki poll personnel laga training, duty te dhalibole laga strategy aro vote diya laga process ke eku diktar nohoikina smooth para chulibole dibole nimitey security arrangement kora security arrangement laga lamba information disey.
Bodli te, DEO aro SP khan para nijor district te election smooth para conduct kuribole nimitey taikhan laga bhabna aro jarurat share kurisey.
Etu opor te, alag alag national aro state political party laga representative khan tu Chief Electoral Officer (CEO) para ahibole thaka election logotey jurikina thaka mamla khan ke address kuribole nimitey ekta alag session luwa homoitey discussion kora te engage hoisey.
Etu review meeting ke additional CEO N Praveen Singh, state police nodal officer, joint CEO aro alag state nodal officer khan para attend kurisey.
Add Comment