Silchar, March 19 : Assam laga National Institute of Technology (NIT) Silchar te student khan majotey Tuberculosis (TB) laga case ola nimitey chinta hoikina asey.
Assam laga NIT-Silchar para 11 student TB paikina asey, kuntu para campus community majotey chinta baraidi asey.
Etu bimari tu juwa dui din te achanak para hoisey aro Assam laga NIT-Silchar laga hostel 9A, 9B aro 9C hostel khan ke boha student khan ke affect kurisey.
Jawab te, Assam laga NIT-Silchar para etu ekjun manu para dusra manu te paar huwa bimari ke feilibole para rokhabole nimitey ekta standard operating procedure (SOP) implement kurisey.
Etu SOP te campus te thaka sob student, staff aro visitor khan ke mask lagabole compulsory kuridisey.
TB bimar tea am tor par lungs ke target korey, hoilebi bacteria tu gao laga alag alag hisa jaiseki kidney, spine aro brain te bi pungchibo parey.
Etu janibole jaruri asey ki sob TB infection paikina thaka manu logotey bimar laga symptom nathakey.
Aro ilaj nukurisey koiley, TB bimar tu mora laga risk te bi dhalibo parey.
Add Comment