March 19, 2024 : Systematic Voters’ Education aru Electoral Participation (SVEEP) activity khan aru awareness laga part thaki kena, election opor tey, itu Deputy Commissioner & District Election Officer, Wokha laga Office para ekta Half- Marathon race organize kurishey, itu students khan nimitey, Government Higher Secondary School, Wokha laga, 19th March 2024 tey. Itu Half Marathon Race toh hoiley SDO Civil Wokha aru SVEEP laga Nodal officer para emphasize kurishey, voting laga importance opor tey aru itu students khan ke urge kurishey, itu message toh spread kuriboley, ki, voting toh hoiley ekta fundamental right asey koi kena, sob citizen khan laga. Tunyi para highlight kurishey ki, itu marathon laga participant khan toh hoiley prospective voter khan asey, itu future electorate ke represent kuri kena, tai khan ke tyaar kuriboley laga significance stress kuri kena, tai khan laga voting right khan exercise kuriboley, kitya tai khan thik age tey punchishey koiley. Aru itu logotey, students khan ke itu bhi awareness raise kuriboley bhi encourage kurishey, tai khan laga peers, elders aru community members khan bhitor tey, dangor participation ensure kuriboley, itu electoral process tey.
Itu half marathon toh hoiley organize kuria toh hoiley, alag alag category khan laga compete kuriboley laga thakishey maiki aru mota khan nimitey. Hangkai Konyak para first prize jeetishey maiki khan laga category tey, Lothungbeni Kikon & Zuchanbeni Humtsoe toh 2nd aru 3rd tey jeeti kena. Aru mota laga category tey, Puchong para first paishey aru Merichan Ngullie & Y Renjanthung Kikon toh 2nd aru 3rd paishey koi asey.
Add Comment