TPCC chief koishe BJP khan tai ke murabole bhabona kuri ase

AGARTALA | October 31, 2018: Wednesday, Tripura Pradesh Congress Committee (TPCC) chief, Biren Sinha, pora Congress Bhawan te press conference luwa time te koishe  ruling BJP party khan tai ke murabole karne bhabona kuri ase.Tai pora arobi DGP AK Shukla ke bodnam kurishe  tai ke security  nadia karbe  tai remote areas khan te jaa time te .Media logote kotha kuwa time te Birajit koishe tai etu bosti khan te jaa panchayat election  time te tai dhamki khan pai thakishe  .Tai aro koishe tai ke okobi hoishe koile toh  DGP AK Shukla responsible thakibo  .Tai aro koishe ki BJP supporters khan pora tai bosti khan te jaa time te rukhaidishe  aro tai laga gaari uporte bi hamlaa kurishe  .Tai koishe tai khan tai ke   murabole kosish kuri thakishe .Sinha koishe  tai ke complaint file kurishe  police khan logote hoilebi etia tak okobi action luwanai. Tripura Pradesh Congress khan aro bi khobor dishe ki party khan joldi hi  35000 booth-helpers laga olabole ase Congress President Rahul Gandhi pora khobor paikena .Sinha pora BJP-IPFT state government ke bodnam kurishe dirty politics te involved thaka nimete etu bi  Reang refugees khan nimete tai laga ration khan rukhaidikena pichede olaidishe. Congress party pora refugees khan nimete relief mangi ase.