New Delhi, November 29: India laga sizzling stroke-maker PV Sindhu pora pohila bar karone prestigious season-ending World Super Series Finals karone qualify korishe. Tournament toh December 14 -18 te Dubai te khelibo.
Eitu event te sal laga World Super Series tour laga sobse athta singles players aru doubles pairs kheli.
Sindhu karone qualification toh ekta sapna nishena ase kun duita events ekela thaki kene Destination Dubai Rankings te 16th thakishe. 21 sal China Open jeeti kene 11,000 points paishe aru tai laga chances revive korishe.
Hoilebi, last women’s singles spot karone competition toh tight thakishe, Sindhu laga Indian compatriot Saina Nehwal, Japan laga Sayaka Sato aru Minatsu Mitani, aru Thailand laga Porntip Buranaprasertsuk khan Hong Kong te jama kori kene reckoning te thakishe.
Hoillebi Sindhu pora Hong Kong Coliseum te runner-up kotom hoi kene tai Dubai te jabole last plane ticket paishe.
Former World No.1 Saina toh Hong Kong te quarter-final hari kene tai ninth te kotom hoishe.
Spain laga 2016 Olympic gold medallist Carolina Marin milai kene ekta star-studded field khan women’s singles supremacy karone compete koribo. Suara qualifiers khan toh Tai Tzu Ying (Chinese Taipei), Japan laga Akane Yamaguchi, China laga Sun Yu aru He Bingjiao, Thailand laga Ratchanok Intanon, kun pora eitu sal tin sapta te tinta Super Series titles jeetishe, aru South Korea laga Sung Ji Hyun.
Sindhu jari kene dusra Indian kun pora bi game laga pansta formats te tournament karone qualify koribole para nai.
Add Comment