April 2, 2024: Tuesday din deh China para deadly air strike keh condemn kuri shae, kuto para Damascus laka Iranian embassy deh taka consular annex keh bangai di shae. Etu strike pata Tehran Islamic Revolutionary Guard Corps laka tuita high level members keh murai di shae.
Monday laka hamla karne Iranian aro Syrian officials para Israel keh botnam di shae. Hoile b Israel para etu deh comment kuri bole mana kuri shae. Iran kan para ekta jawab dib oleh kasam kuri shae. Gaza war taka time deh Israel aro Tehran laka allies majo deh violence tho aro uthi bo kui nah bui ahi ase.
“China kan hamla keh condem kureh,” Foreign Minister spokesperson Wang Wenbin para kui shae.
“Diplomatic institution’s laka security tho violate kuri bo napareh, aro Syria laka sovereignty, independence aro territorial intigirty tho respect kuri bo lakeh,” tai para kui shae.
China kan Iran laka ekta close partner ase. China kan taikan laka sobse dangor trade partner ase aro taikan laka sanctioned oil laka top buyer b ase. Iran laka Islamic Revolutionary Guards Corps para strike deh taikan laka satha members muri shae kui shae. Tateh Brigadier General Mohammad Reza Zahediback aro alak ekta high-ranking officer, Brigadier General Mohammad Hadi Haji Rahimi ase.
Add Comment