Shillong, April 03 : Ichamati double murder case te, District Court of East Khasi Hills para duijun suspect ke arrest kurikina 7 din nimitey police custody te pathaidisey. Etu arrest tu Meghalaya police para East Khasi Hills laga Ichamati area te duijun hazira kora manu laga deadbody pa picheyte, lagatar investigation kora picheyte hoisey.
Superintendent of Police, Rituraj Ravi para etu duijun ke arrest kora tu confirm kurikina koisey ki taikhan laga arrest tu Monday rati te kurisey. Etu ekdam darawana crime laga connection te, mujrim Shanborlang Shati aro Mesadaphor Skhembil ke Sohra koikina ekta jag ate paikina arrest kurisey.
Etu hazira kora duijun manu laga dead body khan ke Ichamati laga ekta rasta kinar fale paisey. Etu duijun manu tu chuna pathor khunda te kaam kuri thakisey. Taikhan tu kunba nachina badmash khan para ekdam beyrehem para assault(mara) kora laga sikar hoisey.
Add Comment