ase: Rising People’s Party
April 11, 2024: April 8 deh lua PDA CO-ordinating meeting deh, Chief Minister of Nagaland mun dangor para “NDPP led government kan kitia b Nagas kan laka faith aro identity compromise nakuri bo” kui shae. Etu tho ekdum misa ase.
Husa tho etu lokot deh b bia ase.
2010 sal deh, Mr. Rio para Kohima deh Rani Gaidinliu Library-cum-Memorial Museum set up kuri bole approve kuri shae – piche deh shelved hui jai shae. Site selection b tai nijor para kuri shae. Library-cum-Memorial Museum tho materialized hui shae koile tho, etu tho Heraka aro RSS laka centre hobo taki shae state deh.
CM Rio, tai Christians lah persecution laka against ekta awas b olai nai. Manipur deh 249 churches juli jai shae aro Manipur deh taka Kuki-ZO community laka against persecution b hui shae. Rio laka Mizoram counterpart para etu laka against kotha olai shae. Hoile b CM Rio tho ekta awas b olai nai, etu keh condemn kuri bole. Assam Healing Practices Act kuto Christian missions keh imperil kureh, tai etu laka against b awas olai nai. Tapi A/C bye election hua piche deh ECI kan counting conduct kuri shae. Etu time deh tai chup taki shae. Alak side deh tho, Mizoram kan etu laka against protest kuri shae ari counting date tho Monday, December 4 deh shift kuri di shae.
Taila suku pitor deh taka time deh Nagaland University para Easter Sunday 2024 tho working day declare kuri di shae. Taila alliance partner para December 25 tho Good Governance Day banai di shae aro taila kitia b, taila dissenting opinion kwa nai. Taila suku pitor deh taka time deh, Yoga teachers kan sob government schools deh attach hui jai shae paird honorarium deh.
Kha saman laka kotha deh, PDA para state deh kuta mangso laka kina aro bika tho band kuri di shae. Mr. Rio, taila Meghalaya counterpart nishi nah nahoi nah, kitia b, Amit Shah para ban kura beef keh oppose kura nai. Schools deh Hindi imposition hua time deh tai chup chap taki shae.
Taila Mizoram counterpart para Free Movement Regime laka scrapping tho ekdum oppose kura time deh, Mr Rio laka kosor jawab tho etu taki shae, “Laki leh, ekta formula bana bole mukan kam kuri bo lageh.” Mr. Rio tho ekta compromise propose kuri taki shae houle b political parties aro CSO kan laka opposition para taike resolution tho pass kuri bole di shae state assembly deh.
Dimapur deh, ILP laka strict implementation lah kotha deh, NDPP government tho sobse lacking ase. Dimapur tho ekta breeding ground hui shae sob immigrants aro fundamentalist organization kan nishi nah karne aro itia b, ekta b deportation hua nai.
Aji, Nagaland tho, hostile forces para threatened kuri ase, bahar aro pitor deh b aro NDPP tho Gaga-land deh bui ase.
Rising People’s Party
April 10, 2024
ECI kan anonymous political hoarding deh crack down kuri shae
April 11, 2024: Election Commission of India para sob States/UTs kan keh, print hua election-related materials deh printer aro publisher laka clear identification tho rakhi b kui nah direct kuri shae. Tateh hoardings, accountability tho ensure kuri bole aro campaign communities deh transparency rakhi bole ase. Etu decision tho Commission para lui shae. tateh Chief Election Commissioner Shri Rajiv Kumar, Election Commissioners Shri Gyanesh Kumar aro Dr Sukhbir Singh Sandhu taki shae. Commission deh taikan representations kan pai nah taki shae. Municipal authorities para control kura hoarding spaces deh, printer nahoileh publisher laka identity natakina hoardings hui taki shae kui nah. Etu jana piche deh decision tho lua ase.
Section 127A of the Representation of the People Act, 1951, para printer aro publisher laka nam nadi kai leh tho election pamphlets, posters, placards nahoileh banners laka printing aro publishing tho unequivocally prohibit kureh. Publisher laka identity disclose kuri bole requirement tho cornerstone nishi nah srve kureh campaign financing regulate kuri bole aro responsibility fix kuri bole. In case Model of Conduct nahoile statutory provision laka framework tho follow nakuri reh leh tho.
Etu directive lokot deh, Commission para itia, accountability tho urban local bodies laka printer, publishers, licensees/ contractors keh dali shae, kun kan political advertisement karne outdoor advertising space rent kuri ase.
Municipal Corporation of Delhi (MCD) para issue kura instructions kan b sob stakeholders laka attention deh ani di shae. Instruction tho, ekta party/candidate laka promotion karne political ads allow kuri leh b, party nahoile candidate laka against political ads kan prohibit kureh. Power deh taka ekta party/government laka advertisement regards deh, political ads kan kuto exchequer laka cost deh release kureh, etu b prohibit hui nah ase. Designated authority kuto advertisement approve kuri bokarne responsible ase, taikan laka approval pah piche deh heh sob political advertisement kan display kuri bo.
Anuj Chandak
Joint Director
Add Comment