KSU pora volleyball tournament suru korise

Dimapur, 02 November: Kiruphema Students’ Union (KSU) pora 4th KSU open volleyball cum 1st penalty shoot-out tournament organise kora jowah kali (Friday) suru hoise. Etu time deh  Krosal Neikha, 1st class contractor toh special guest thakise aro tai pora Kiruphema local ground, Peducha jaga deh tournament kick off kora thakise. Krosal Neikha pora Kiruphema Students’ Union logode tournament laga 4^th edition aro penalty shoot-out laga 1^st edition ektum phal pora lowah karni kushi powah kotha janaideya thakise. Tai pora kowah toh, etu tournament pora jawan talents khan logode othaidebo, tournament pora Kiruphema aro pahar laga manu khan logode unity annibo kowah thakise. Sob melikena 14 volleyball teams aro 17 teams toh penalty shoot-out deh hesha loi ase. Final toh November 3 deh thakibole ase.