Kochi, 16 April : P.K. Sidharth Ramkumar laga maa paap, kun UPSC Civil Services results dey fourth rank kurishey, taikhan laga bacha itu paar itu examination dia laga jaani thakianai.
“Muikhan jaani thakianai ki tai itu par exam dishey, exam clear kurishey aro itu piche dey interview appear kurishey. Tai laga naam TV dey dikhia time dey hi muikhan jani paishey. Aro tai bhi itu piche dey muikhan ke janai diwoley call kurishey,” tai laga ama kuishey.
Tai kuishey ki Sidharth toh IPS charina IAS luwo.
Ramkumar toh itia Hyderabad dey IPS Academy dey training lui asey.
Tai agey dey Indian Telecommunication Service join kurishey, kuntu piche dey taike IPS karney select kurishey. Jaa saal tai nijor laga rank improve kurishey huilewi tai IPS paishey.
“Tai itu ke raaz rakhishey aro juti tai ahina examination likhishey, tai kitia bhi muikhan ke eku kuanai,” Tai laga ama kuishey.
Tai laga baba, kun ekya teacher asey, tai laga khushi lugawo parianai aro kuishey ki taikhan itu kitia bhi expect kurianai.
“Aro kitia inika cheez unexpectedly ahey, khushi toh bishi thakey,” kuishey Ramkumar laga baba.
Ramkumar laga dangor bhai, kun High Court dey practice kurey, kuishey tai toh all-rounder asey. “Tai cricket khiley, ekta extrovert asey aro bishi cheez dey engaged asey,” kuishey tai laga dangor bhai.
Add Comment