Kohima, 03 November: Friday din Khuochiezie Local Ground Kohima jaga deh 24th edition classic club football tournament toh MLA aro Former Speaker Chotisuh Sazo pora suru korise. Event din deh MLA aro Former Speaker NLA Chotisuh pora football toh promote koribo lagi koise. Tai pora jawan khelari khan logode phal pora football khelibole aro tai khan laga skills dekhabole kowah thakise. Kelay koile ahhibole din time deh tai khan toh state laga sports hobo karni. Tai pora besi phal-phal khelari khan toh classic club cup pora olai koise. Tai pora be hesha lowah yeam khan ke mondangor kotha janaideya toh, ke laga field deh hoilebe professional aro expert hobo karni patience, decipline aro ektun dukh pora training koribo lagibo. Tai pora Naga youth khan toh softball, sepaktakraw, riffle shooting aro archery nesana khan deh besi talent ase koise. Etu pora duniya deh ekta phal jaga bonai kena thakibo karni sports pora talent dekhabole, notun sati bonabole, morom koribole aro ekta-ekta logode respect koribo karni janaideya thakise. Tai pora Classic Club organise kora karni kushi powah kotha janaise. Kelay koile etu even pora state laga jawan talents khan logode promote kora karni. Welcome speech deh President Classic Club, K. Neibou Sekhose pora kowah toh, duniya deh 96% manu khan toh sports deh hesha thakise nahoile avid fans khan ase. Tai pora aro kowah toh, sports toh ekta olob activities ase. Etu pora manu khan laga color, race, language, religion, age aro gender deh na-sai kena eku logode anni. Tai pora Classic Club Silver Jubilee toh 2nd October 2018 pora suru hoise aro etu toh final 25TH Classic Cup 2019 time deh kothom hobo. Tai pora championship khan logode Trophy aro certificate logode Rs. 1.00 Lac pabo aro Runner up logode Trophy aro Certificate logode Rs. 80,000 pabo koise. Function time deh host nemide Dr. Rukulu K. Puro thakise, Dziesetuo Soukhrie, Pastor, CRCK Kohima pora prathana kora thakise aro special song toh Kekhrie Ringa pora gaa thakise.
Add Comment