April 22, 2024 : Dimapur tey, dutia lineman, kun khan laga age toh 35- 40 saal laga nishina hobo, ekta toh Sangtam manu aru ekta toh Bihari manu, kun khan toh hoiley power department laga staff khan asey, tai khan, power laga supply toh restore kuria laga homoi tey jokhom hoishey koishey tai khan duty kuria homoi tey, Vishal Market ,City Tower laga osor phaney, tai khan duijon ke bhi Metro Hospital tey admit kuri dishey, Dimapur laga aru tai khan toh hoiley itya toho lop aram pai kena asey, koishey,
Itu ghanta hoa toh hoiley April 22nd, 2024 tey hoa laga asey, Monday tey, 1:00 PM nishina phaney.
Tatey witness ekta ke huda homoi tey, tai para koishey, utu Power Dept. laga staff dui jon toh opor tey uthi kena kaam kuri thaka homoi tey, kineka para achanak para electrocute hoishey koishey utu duijon staff ke, aru utu homoi tey jurr para awaz ulaishey koishey, utu mara homoi tey, tatey laga osor manu khan toh kot para awaz ulaishey koi kena bahar ulai kena sawa homoi tey, ek jon staff toh ene hang kuri thaka nishina thaki thakishey short khai kena aru ekjon toh olop 4-5 second nishina ene rukhi thaki kena nichetey giri jaishey koishey. Aru itu witness aru kunba khan mili kena utu dui jon lineman ke uthai kena auto tey uthai di kena Metro Hospital tey loijaishey koishey.
Aru ekta witness ke huda homoi tey, tai para koishey, utu duita staff ke toh doctor para treatment kuri asey, ejon staff toh tai laga theng ekta tey jokhom hoi kena pati kena thakishey, Doctor para stitch kuri dishey, celine khan mari di kena asey, aru tai para koishey ki, itya duita lineman bhi hush tey ahi kena asey.
Add Comment