BHOPAL, NOVEMBER 4 : Bahujan Samaj Party (BSP) kan pora tai kan ahebole laga notun Madhya Pradesh Sorkar anedebole karne “Key Role” pora bhal khel khelikena dekhai debo koi kena janaise. Kele etu November 28 te tai kan State Assembly Polls thakibole laga toh chamala aro nahua huijaa nesena dekha pora.Madhya Pradesh BSP President Pradeep Ahirwar pora koa hisabte tai kan Party toh etu ahebole laga election te 32 jaka nesena chetibole nesena ase. Etubi boila tai kan etu 32 jaka porabi komti cheti kena thaka pora. Aro etu pora tai kan Party logot notun sorkar anediya hobo koi kena janaise.Etu BSP President porabi BJP aro Congress Party 2 jun bi etu ahebole laga election te Majority hisabte chetikena ahebole nabaribo. Etu karne Congress party kan Madhya Pradesh te notun Sorkar anedebole nemite tai kan BSP Party ke support kurikena melejabo lagi koi kena janaise.
Notun Madhya Pradesh Sorkar anedebole “Key Role”
Add Comment